Кичик бизнесни молиялаштириш

21746

Кичик бизнесни молиялаштириш дастури доирасида банк сизнинг эътиборингизга бизнес учун кенг кўламдаги кредитларни таклиф этади.

Кредитларимизнинг турлари бизнесни ривожлантириш, унинг рақобатбардошлигини таъминлаш билан боғлиқ бўлган исталган масалаларни ҳал қилишга имкон беради.

Кредит тақдим этиш тўғрисидаги қарор қабул қилишда Ипотека-банк мижознинг ҳақиқий ҳолати тўғрисидаги маълумотларга асосланади. Бунда эътибор расмий кўрсаткичларга эмас, балки молиялаштириш назарда тутилган бизнеснинг ривожланиш истиқболларига қаратилади.

Ҳар бир шахсга бўлган алоҳида ёндашув Ипотека-банкка кичик бизнес субъектлари учун энг қулай шартларда кредитларни таклиф қилишга имкон беради.

Кредитдан фойдаланганлик учун фоиз ставкаси бозор конъюнктураси ва қарздорнинг молиявий ҳолатидан келиб чиққан ҳолда ўрнатилади. Фоизлар кредит қарздорлигининг қолган қисмига ҳисобланади, бу мижозларга қўшимча харажатлар амалга оширмасликка имкон беради.

Хизматлар соҳасини ривожлантириш дастури бўйича кредитлар

Мижоз	Хизматлар соҳасини ривожлантириш дастури доирасида манзилли рўйхатга киритилган, хизматлар сохасидаги фаолиятни ташкил қилиш ёки кенгайтириш, тадбиркорлик ва даромад келтирадиган меҳнат фаолияти билан шуғулланиш истагида бўлган тадбиркорлик субъектлари ҳисобланади.
Кредит ажратиш манбайи	Ўзбекистон Республикаси Тикланиш ва Тараққиёт жамғармаси маблағлари
Кредит мақсади	Асосий восита сотиб олиш, шакллантиришга (жумладан, бино-иншоот қурилиши реконструкцияси, капитал таъмирлаш учун)
Кредит максимал суммаси	Битта лойиҳа бўйича 2 миллиард сўмгача
Валюта	Миллий валютада
Кредит фоизи	Марказий банкнинг асосий фоиз ставкасида
Кредит муддати	Лойиҳани ўзини-ўзи қоплашидан келиб чиққан ҳолда кредит муддатини 60 ойгача ва имтиёзли давр 12 ойгача белгиланиши мумкин
Кредит ажратилиш шакли	Пул ўтказиш йўли билан
Кредитни қайтариш тартиби	Фоиз тўлови – ҳар ойда, асосий қарз тўлови – тўлов муддати келгандан сўнг кредит қолган муддатига тенг тақсимланган миқдорларда бўлинади. (мавсумий характерга эга лойиҳалар алоҳида кўриб чиқилиши мумкин)
Кредит таъминоти	Банкнинг Кредит сиёсати ва Кредитлаш Низомида кўрсатилган таъминот турлари.
Кредитлаш ва ҳужжатларни расмийлаштириш жараёни	Банкнинг амалдаги кредитлаш Низоми, Ўзбекистон Республикаси Президентининг “Хизматлар соҳасини жадал ривожлантириш чора-тадбирлари тўғрисида”ги ПҚ-5113 сонли Қарори ҳамда “Хизматлар соҳасини жадал ривожлантиришни ташкил этиш ва амалга ошириш тўғрисида”ги вақтинчалик Низом асосида амалга оширилади.
Қўшимча шартлар	Тадбиркорлик фаолиятини қўллаб-қувватлаш давлат жамғармаси компенсацияларидан фойдаланишга йўл қўйилмайди.

Аёл тадбиркорлар учун “Бетакрор” кредит дастури (ЕТТБ маблағлари ҳисобидан хорижий валютада ажратилади)

	Кредит номи
	“Woman micro”	“Woman small”	“Woman medium”
Мижоз	Тадбиркорлик субъекти фаолиятини бошлаганига 6 ойдан кам бўлмаслиги лозим.	Тадбиркорлик субъекти фаолиятини бошлаганига 12 ойдан кам бўлмаслиги лозим.	Тадбиркорлик субъекти фаолиятини бошлаганига 24 ойдан кам бўлмаслиги лозим.
Кредит максимал сумммаси	30 минг АҚШ долларигача	100 минг АҚШ долларигача	300 минг АҚШ долларигача (лойиҳанинг салоҳиятидан келиб чиққан ҳолда 1,0 млн.АҚШ долларигача)
Кредит таъминоти	Ликвид таъминот гарови	Камида 50 фоиз ликвид таъминот гарови ва бошқа таъминот турлари	Камида 50 фоиз ликвид таъминот гарови ва бошқа таъминот турлари
Асосий шарт	ЕТТБ маблағлари ҳисобидан аёл тадбиркорларнинг лойиҳаларини молиялаштиришда хўжалик юритувчи субъектларнинг раҳбари (қарор қабул қилувчи, расмийлаштириладиган кредит шартномасини имзоловчи шахс) аёл бўлиши ҳамда охирги 6 ой давомида ушбу лавозимда ишлаб келаётган бўлиши лозим
Кредит мақсади	Айланма маблағларни тўлдириш ва асосий восита сотиб олиш учун
Валюта	АҚШ доллари (ажратилган валютани мижознинг талабига кўра сўмга конверсия қилиб, мамлакат ичидаги тўловларни молиялаштириш мумкин)
Кредит фоизи	йиллик 6%
Кредит муддати	Айланма маблағларни тўлдириш 18 ойгача, асосий восита сотиб олишга 36 ойгача
Кредитни қайтариш тартиби	Лойиҳадан келиб чиқиб имтиёзли даврни айланма маблағларни тўлдириш учун 3 ойгача, асосий восита сотиб олиш учун 12 ойгача белгиланиши мумкин. Айланма маблағлар тўлдириш учун:фоиз тўлови – ҳар ойда,асосий қарз – имтиёзли давр тугагандан сўнг кредит қолган муддатига тенг тақсимланган миқдорларга бўлинади. Асосий восита сотиб олиш учун: фоиз ва асосий қарз тўлови– бир йилда 2 маротаба 15 май ва 15 ноябрь кунлари тўланади (асосий қарз тўлови имтиёзли даврни инобатга олган ҳолда кредит муддатига тенг тақсимланган миқдорларга бўлиниши лозим). Қайтариш муддатини узайтиришга йўл қўйилмайди
Қўшимча шартлар	ЕТТБнинг экологик ва ижтимоий тақиқлар рўйҳатига киритилган ҳамда Ўзбекистонда етиштирилган пахтани ишлаб чиқариш ёки сотиш билан боғлиқ ҳар қандай фаолиятлар учун кредит маблағлари ажратилмайди.

Асосий воситаларни ҳарид қилиш учун кредит

Кредит мақсади	Асосий воситаларни ҳарид этиш учун (шу ўринда қурилиш, қайта таъмирлаш ва тўлиқ таъмирлашга ҳам)
Валюта	Сўм
Сумма	Мижоз сўровига кўра
Муддат ва фоиз ставкаси	36 ойга қадар 22,99%
Таъминот	гаровлик мулк ёки қимматли қоғозлар; банк ёки суғурта ташкилоти кафиллиги; учинчи шахс кафиллиги; олинган кредитни қайтара олмаслик рискини суғурталовчи суғурта полиси.

Юридик шахслар учун автокредит

1-вариант

Кредит мақсади	Юридик шахсларни ўз эхтиёжлари учун енгил автомобиль сотиб олиш учун (мижознинг шахсий иштироки 30% дан кам бўлмаслиги керак)
Валюта	Сўм
Сумма	Мижоз сўровига кўра
Кредитнинг фоиз ставкаси	йиллик 24%
Муддат	36 ойгача
Таъминот	Енгил автомашиналар кейинчалик таъминот сифатида қабул қилиниши кўзда тутилган ҳолатларда, асосий таъминот расмийлаштирилгунга қадар таъминот сифатида кредит қайтмаслик хатари суғурта полиси остида

2-вариант

Кредит мақсади	Юридик шахсларни ўз эхтиёжлари учун енгил автомобиль сотиб олиш учун
Валюта	Сўм
Сумма	Мижоз сўровига кўра
Кредитнинг фоиз ставкаси	йиллик 24%
Муддат	36 ойгача
Таъминот	Кўчмас мулк, турар ва нотурар жой, махсус техникалар, автобус ва микро автобуслар, тилла буюмлар, депозит маблағлари гарови остида

Айланма маблағлар учун кредит

Кредит мақсади	Айланма маблағларни тўлдириш учун
Валюта	Сўм
Сумма	Мижоз сўровига кўра
Муддат ва фоиз ставкаси	18 ойга қадар 22,99%
Таъминот	гаровлик мулк ёки қимматли қоғозлар; банк ёки суғурта ташкилоти кафиллиги; учинчи шахс кафиллиги; олинган кредитни қайтара олмаслик рискини суғурталовчи суғурта полиси.

Микрокредит

Микроктедит мақсади	кичик қурилмаларни сотиб олиш учун; хом ашё сотиб олиш учун; чакана савдо айланма маблағларини тўлдириш учун; улгуржи савдо айланма маблағларини тўлдириш учун; савдо фаолиятини ташкиллаштириш; сервис ва маиший хизматларни ривожлантириш; туризмни ривожлантириш; тиббий хизматларни ривожлантириш; асосий воситаларни ҳарид қилиш учун;
Валюта	Сўм;
Фоиз ставкаси	йиллик 22,99%
Сумма	300 млн. сўмгача;
Муддати	3 ойдан 36 ойгача (айланма маблағларни тўлдириш учун 18 ойгача)
Таъминот	гаровлик мулк ёки қимматли қоғозлар; банк ёки суғурта ташкилоти кафиллиги; учинчи шахс кафиллиги; олинган кредитни қайтара олмаслик рискини суғурталовчи суғурта полиси.
Ҳужжатлар	кредит аризаси; бизнес план; бухгалтерлик баланси, дебиторлик ва кредиторлик қарздорликлар ҳақида маълумотнома, молиявий кўрсаткичлар ҳақида ҳисобот.

Соддалаштирилган микрокредит (Тошкент шаҳри учун)

Кредит мақсади	Айланма маблағларини тўлдиришга ва асосий восита (автокредитни ҳисобга олган ҳолда) сотиб олишга
Валюта	Миллий ёки хорижий валютада 300 млн.сўм эквивалентидан ошмаган миқдорда
Кредит фоизи	Амалдаги фоиз сиёсатига кўра
Кредит муддати	- Айланма маблағларни тўлдириш учун 18 ойгача; - Асосий восита сотиб олиш учун 36 ойгача. - Лойиҳанинг ўзини-ўзи қоплашидан келиб чиққан ҳолда имтиёзли давр 6 ойгача белгиланиши мумкин
Кредит максимал суммаси	300,0 млн.сўмгача
Кредитни қайтариш тартиби	Фоиз тўлови – ҳар ойда, асосий қарз тўлови –тўлов муддати келгандан сўнг кредит қолган муддатига тенг тақсимланган миқдорларда бўлинади (мавсумий характерга эга лойиҳалар алоҳида кўриб чиқилиши мумкин)
Кредит таъминоти	Банкнинг Кредит сиёсати ва Кредитлаш Низомида кўрсатилган таъминот турлари
Кредитлаш ва ҳужжатларни расмийлаштириш жараёни	Банкнинг Кредитлаш Низоми асосида амалга оширилади. Кредит таъминоти сифатида Тошкент шаҳрида жойлашган қўп қаватли турар жой тақдим этилса, мустақил баҳоловчи компаниянинг баҳолаш ҳисоботи талаб этилмайди. Ушбу ҳисобот ўрнига электрон баҳолаш дастуридан фойдаланилади.
Мижоздан талаб этиладиган хужжатлар	Банкнинг Кредитлаш Низомининг 3-иловасига мувофиқ (6 ой иш тажрибасига эга кичик бизнес субъектлари учун бизнес режа талаб этилмайди (давлат рўйхатидан ўтганига ҳамда тижорат фаолиятидан пул тушумига камида 6 ой бўлиши иш тажриба деб ҳисобланади));
Қўшимча шартлар	- Мижоз ўз эҳтиёжи учун кредит маблағлари ҳисобига енгил автомашина сотиб олаётганда тадбиркорлик фаолиятини қўллаб-қувватлаш давлат жамғармаси томонидан компенсация тақдим этилмайди. - Ушбу кредит маҳсулоти ўзига хос хусусиятларга эга бўлган (қурилиш, балиқчилик, ХУЖМШ, кўчатчилик ва бошқа специфик) лойиҳаларга татбиқ этилмайди. - Ушбу кредит маҳсулоти Тошкент шаҳридаги барча филиаллар томонидан амалга оширилади.

J-USBP дастури бўйича кредитлаш

«J-USBP» Япония-Ўзбекистон кичик бизнесни қўллаб қувватлаш дастурлари доирасидаги кредитлар Ўзбекистон Республикаси резидентлари бўлиб, юридик шахслар ва юридик шахс бўлмаган субъектлар сифатида фаолият юритувчи тадбиркорларга берилади.

Ушбу дастур бўйича кредитлаш бир нечта устунликларга эга:

кредитни расмийлаштириш учун талаб этиладиган хужжатларнинг камлиги;
кредитни қисқа муддатларда расмийлаштириш.

Микрокредит

Микрокредит мақсади	ишлаб чиқариш; савдо фаолиятини ривожлантириш; хизматлар; айланма маблағларини тўлдириш; • Ўзб. Респ.қонунчилигида кўзда тутилган бошқа тадбиркорлик йўналишларига
Валюта	Сўм, АҚШ Доллари*
Сумма	500 минг сўмдан 100 млн сўмгача ёки шу қийматга тенг АҚШ долларида (нақд ва пул ўтказиш йўли билан)
Фоиз ставкаси	асосий воситаларни сотиб олиш учун йиллик 25% айланма маблағларини тўлдириш учун йиллик 26%
Муддати	3 ойдан 36 ойгача (айланма маблағларни тўлдириш учун 18 ойгача)
Имтиёзли давр	3 ой
Таъминоти	кўчмас мулк автотранспорт воситалари заргарлик буюмлари
Сўндирилиш тартиби	ҳар ой тенг қисимлар билан
Ушбу дастур бўйича кредитлаш бир нечта устунликларга эга	Кредитни нахд пул кўринишида олиш имкони

Кичик кредит

Кредит мақсади	ишлаб чиқариш; савдо фаолиятини ривожлантириш; хизматлар; айланма маблағларини тўлдириш; Ўзб. Респ.қонунчилигида кўзда тутилган бошқа тадбиркорлик йўналишларига
Валюта	Сўм, АҚШ доллари*
Сумма	100 млн.сўмдан 1,0 млрд сўмгача ёки шу қийматга тенг АҚШ долларида ( шу жумладан, нақд пул кўринишида 300 млн. сўмгача)
Фоиз ставкаси	асосий воситаларни сотиб олиш учун йиллик 25% айланма маблағларини тўлдириш учун йиллик 26%
Кредит муддати	36 ойгача (айланма маблағларни тўлдириш учун 18 ойгача)
Имтиёзли давр	3 ой
Таъминот	кўчмас мулк автотранспорт воситалари заргарлик буюмлари Ўзб. Респ. қонунчилигида кўзда тутилган бошқа турдаги таъминот шакллари
Ушбу дастур бўйича кредитлаш бир нечта устунликларга эга	Кредитни нахд пул кўринишида олиш имкони

* Чет эл валютасидаги кредитлар валюта тушумига эга субъектларга берилади.

Кредит аризасини кўриб чиқиш муддати 3 банк куни

Портфелли кредит линияси

Линия суммаси	Мижоз тўлов лаёқатига асосан белгиланади
Валюта	Миллий валюта ва/ёки хорижий валютада
Линия фоизи	Линия доирасида мижоз томонидан фойдаланилиши кутилаётган банк маҳсулотлари фоизлари бош келишувда алоҳида акс эттирилади
Линия муддати	36 ойгача
Линия дорасидаги банк маҳсулотлари	Кредит, лизинг, банк кафолати, савдони молиялаштириш, факторинг ва бошқа кредит хизматлари
Имтиёзли давр	Линия дорасида фойдаланилаётган ҳар бир банк маҳсулотига алохида қўлланилади
Гаров таъминоти	Кўчмас мулк, автотранспорт воситалари, депозит маблағлари, қимматбаҳо ва тилла буюмлар ва бошқа қонун ҳужжатларида таъқиқланмаган гаров объектлари
Линия ажратилиш шакли	Пул ўтказиш йўли билан ажратилади.
Қарздор	“Ипотека-банк” АТИБнинг юридик шахс мақомига эга бўлган ва юридик шахс мақомига эга бўлмаган банк мижозлари
Бошқа шартлар	Линия доирасида айланма маблағларни тўлдириш учун ажратилган кредитлар ҳар 12 ойда тўлиқ қайтариш шарти билан амалга оширилади. Айланма маблағлар учун ажратилган кредит суммаси тўлиқ қайтарилмагунича бу мақсадга қайта кредит ажратилимайди. Линия дорасида мижозга тақдим этилаётган банк маҳсулотларининг умумий суммаси бош келишув суммасидан ошиб кетмаслиги шарт.
Талаб этиладиган хужжатлар	Юридик шахслар учун: - Ариза, таъсис хужжатлари(устав, гувохнома, ...), молиявий хисобот шакллари (Ф-1, Ф-2, Ф-2а), бизнес режа, гаров хужжатлари(кадастр,..), охирги 12 ойлик хисобварақ айланмаси Юридик шахс мақомига эга бўлмаган мижозлар учун: - Ариза, патент, охирги 12 ойлик хисобварақ айланмаси, гаров хужжатлари(кадастр,..)

Қурилиш ташкилотларини уй-жой қурилиши ва реконструкция қилиш учун кредитлаш

Кредит мақсади	уй-жой қурилиши ва реконструкция қилиш учун (ўз айланма маблағларига, етарли моддий-техника базаси ва тажрибали мутахассисларга эга пудрат қурилиш ташкилотларига ажратилади)
Валюта	Сўм
Сумма	уй-жой қийматининг 70 фоизидан кўп бўлмаган миқдорда
Муддат ва фоиз ставкаси	2 йилгача, томонлар келишувига асосан
Таъминот	гаровлик мулк ёки қимматли қоғозлар; банк ёки суғурта ташкилоти кафиллиги; учинчи шахс кафиллиги.

“Eurobond” маблағлари ҳисобидан сўмда ажратиладиган кредит

Кредит мақсади	Айланма маблағларни тўлдириш учун
Валюта	сўм
Кредит фоизи	Амалдаги фоиз сиёсатига кўра
Кредит муддати	12 ойгача
Битта лойиҳанинг максимал миқдори	5 млн. АҚШ долларигача сўм эквивалентида
Кредитни қайтариш тартиби	Асосий қарзни 7 - ойдан қайтариш шарти билан, очиқ кредит линияларида кредит муддатини охирги 3 ойида қайтариш шарти билан. Фоиз тўлови – ҳар ойда, асосий қарз тўлови – тўлов муддати келгандан сўнг кредит қолган муддатига тенг тақсимланган миқдорларда бўлинади
Кредит таъминоти	Камида 50 фоиз ликвид таъминот (кўчмас мулк, махсус техникалар, транспорт воситалари, тилла буюмлар, депозит маблағлари ва бошқа ликвид таъминот) гарови остида
Линияни жалб қилиш комиссияси	Кредит суммасидан бир марталик - 1 % (мижоз ҳисобидан) Мазкур тўлов суммаси кредит муддатининг дастлабки 3 ойгача бўлган даврда тенг тақсимланган ҳолда амалга оширилиши ҳам мумкин. Кредит миқдори 1 млн АҚШ доллардан юқори бўлса кредит муддатининг дастлабки 6 ойгача бўлган даврда тенг тақсимланган ҳолда)
Қўшимча шартлар	Ушбу линия ҳисобидан 12 ой ичида қайта ишланиб реализация қилиш имкони йўқ лойиҳаларнинг айланма маблағлари учун кредит ажратилмайди

“Eurobond” маблағлари ҳисобидан хорижий валютада ажратиладиган кредит

Кредит мақсади	Асосий восита сотиб олиш, бино иншоот реконструкцияси, капитал таъмирлаш, кўп қаватли уйлар қуриш ва айланма маблағларни тўлдириш учун
Валюта	АҚШ доллари (ажратилган валютани мижознинг талабига кўра сўмга конверсия қилиб, мамлакат ичидаги тўловларни молиялаштириш мумкин)
Кредит фоизи	Амалдаги фоиз сиёсатига кўра
Линияни жалб қилиш комиссияси	Кредит суммасидан бир марталик - 1 % (мижоз ҳисобидан) Мазкур тўлов суммаси кредит муддатининг дастлабки 3 ойгача бўлган даврда тенг тақсимланган ҳолда амалга оширилиши ҳам мумкин. Кредит миқдори 1 млн АҚШ доллардан юқори бўлса кредит муддатининг дастлабки 6 ойгача бўлган даврда тенг тақсимланган ҳолда)
Кредит муддати	Айланма маблағларни тўлдириш 18 ойгача, қолган мақсадлар бўйича 54 ойгача. Бунда кредитнинг охирги муддати 2025 йил 31 октябрдан ошмаслиги лозим
Битта лойиҳанинг максимал миқдори	5 млн. АҚШ долларигача айланма маблағларни тўлдириш учун 10 млн. АҚШ долларигача асосий воситалар учун
Кредитни қайтариш тартиби	Лойиҳадан келиб чиқиб, Имтиёзли давр: Айланма маблағларни тўлдириш 6 ойдан, қолган мақсадлар бўйича 12 ойдан кўп бўлмаган муддатга. Фоиз тўлови – ҳар ойда, асосий қарз тўлови – имтиёзли давр тугагандан сўнг кредит қолган муддатига тенг тақсимланган миқдорларда бўлинади (мавсумий характерга эга лойиҳалар алоҳида кўриб чиқилиши мумкин)
Кредит таъминоти	Камида 50 фоиз ликвид таъминот (кўчмас мулк, махсус техникалар, транспорт воситалари, тилла буюмлар, депозит маблағлари ва бошқа ликвид таъминот) гарови остида
Қўшимча шартлар	Ушбу линия ҳисобидан боғдорчилик, чорвачилик (йирик ва майда шоҳли қорамол учун) ва иссиқхона фаолиятлари учун кредит маблағлари ажратилмайди

Экспортни рағбатлантириш агентлиги маблағлари ҳисобидан экспорт учун кредитлар

Мижоз	Экспорт қилувчи ташкилот бўлиб, яъни Ўзбекистон Республикасида рўйхатдан ўтган, товарлар (ишлар, хизматлар) экспортига Ўзбекистон Республикаси норезидентлари билан ташқи савдо битимлари (контракт, инвойс) тузган тадбикорлик субъектлари ҳисобланади.
Кредит мақсади	Айланма маблағларини тўлдириш учун
Кредит максимал суммаси	Бир вақтда бир тадбиркорлик субъекти учун 1 миллион АҚШ доллари миқдорида
Валюта	АҚШ доллари (ажратилган валютани мижознинг талабига кўра сўмга конверсия қилиб, мамлакат ичидаги тўловларни молиялаштириш мумкин)
Кредит фоизи	Хорижий валютада – 4 фоиз
Кредит муддати	12 ойгача
Кредит ажратилиш шакли	Пул ўтказиш йўли билан
Кредитни қайтариш тартиби	Асосий қарзни 3 - ойдан қайтариш шарти билан, Фоиз тўлови – ҳар ойда, асосий қарз тўлови – тўлов муддати келгандан сўнг кредит қолган муддатига тенг тақсимланган миқдорларда бўлинади.
Кредит таъминоти	Ликвид таъминот (кўчмас мулк, махсус техникалар, транспорт воситалари, тилла буюмлар, депозит маблағлари ва бошқа ликвид таъминот) гарови, тадбиркорлик фаолиятини қўллаб-қувватлаш давлат жамғармасининг кафиллиги, тақдим этилган хорижий банк кафолати таъминоти остида.
Қўшимча шартлар	Ушбу кредит экспорт билан шуғуланувчи ташкилотларга ажратилади. Экспорт қилувчи ташкилот томонидан тақдим этилган экспорт шартномаларида Ўзбекистон Республикаси Президентининг 2018 йил 29 ноябрдаги ПФ–5587-сонли Фармони билан тасдиқланган рўйхатдаги хомашё товарлар экспортини амалга оширилиши назарда тутилмаслиги лозим. Ўзбекистон Республикасида рўйхатдан ўтган экспорт фаолиятини олиб бораётган ёки уни бошлаш истагидаги тадбиркорлик субъектлари, тугатилиш босқичида бўлмаган, бюджетга тўловлар бўйича муддати ўтказиб юборилган қарздорлиги бўлмаган, уларга нисбатан банкротлик тартиботи қўзғатилмаган ҳамда низомда белгиланган бошқа талабларга риоя қиладиган қарз олувчиларга амалга оширилади. Тадбиркорлик фаолиятини қўллаб-қувватлаш давлат жамғармаси томонидан компенсациялар тақдим этилмайди

Онлайн назорат-касса машинасини сотиб олиш учун кредит

Кредит мақсади	Онлайн назорат-касса машинасини сотиб олиш учун.
Валюта	Сўм.
Кредит фоизи	Йиллик 22,99%
Кредит муддати	12 ойгача.
Битта лойиҳанинг максимал миқдори	5 млн.сўмдан ошмаган миқдорда.
Кредитни қайтариш тартиби	Имтиёзли даврсиз. Фоиз тўлови – ҳар ойда. Асосий қарз тўлови – тўлов муддатига тенг тақсимланган миқдорларда бўлинади.
Кредит таъминоти	Жисмоний шахснинг кафиллиги. Мижознинг охирги 3 ойда асосий фаолиятидан тушган ҳар ойлик тушуми камида 5,0 млн.сўмдан ошган тақдирда, унинг келажакдаги пул тушумларини кредит таъминоти сифатида қабул қилиш мумкин.
Талаб этиладиган хужжатлар	- Ариза; - Кредит олувчининг ваколатли органи(таъсисчилари, акциядорлар ва кузатув кенгашлари)нинг кредит олиш бўйича йиғилиш қарори (ЯТТ бундан мустасно); - Гувоҳнома; - Бизнес режанинг ўрнига мижознинг асосий фаолиятидан келиб тушадиган тушумнинг прогнози (маълумоти) олинади.
Кредитлаш ва ҳужжатларни расмийлаштириш жараёни	Банкнинг Кредитлаш Низоми асосида амалга оширилади. Шунингдек, мазкур ҳужжатда назарда тутилган кредит ажратиш шартлари банкнинг амалдаги Кредитлаш Низомидан фарқ қилганда, ушбу ҳужжат устун бўлиб, унга риоя этилади.
Қўшимча шартлар	- Мижознинг асосий ҳисобварағи “Ипотека-банк” АТИБда бўлиши, камида 3 ой давомида банкнинг мижози бўлиши лозим. Агар мижоз янги ёки 3 ойдан кам муддатда банкнинг мижози бўлса, у ҳолда 30 фоиз миқдорда ўз улуши билан қатнашиши лозим. Кредит расмийлаштирилаётган пайтда мижознинг банк олдидаги бошқа мажбуриятлари (кредит, лизинг, кафолат, аккредетив ва бошқалар) кўриб чиқиш лимитида ҳисобга олинмайди. - J-USBP дастури орқали белгиланган лимитлар доирасида молиялаштирилиши мумкин. - Иккиламчи ҳисобварақ орқали кредит ажратилмайди.

Халқаро молия корпорациясининг (ХМК) маблағлари ҳисобидан ажраладиган кредит

Кредит мақсади	Асосий восита сотиб олиш ва айланма маблағларни тўлдириш учун
Валюта	Сўм
Ресурс муддати	Филиалларга ХМК маблағлари ҳисобидан ресурслар кредит муддатига мос равишда ажратилишига рухсат этилади
Кредит фоизи	- Айланма маблағларни тўлдириш учун амалдаги фоиз сиёсатидан 1 фоиз кам миқдорда; - Асосий восита сотиб олиш учун амалдаги фоиз сиёсатига кўра; - Тадбиркорлик фаолиятини қўллаб-қувватлаш давлат жамғармаси томонидан кредитлар бўйича фоиз ҳаражатларини қоплаш учун компенсация бериш назарда тутилган ҳолларда, кредит фоизи амалдаги фоиз сиёсатининг тегишли бандига асосан белгиланади.
Кредит муддати	Айланма маблағларни тўлдириш учун 18 ойгача, асосий восита сотиб олиш учун 36 ойгача
Битта лойиҳа бўйича молиялаштиришнинг максимал миқдори	750 000 АҚШ долларигача сўм эквивалентида
Кредитни қайтариш тартиби	Лойиҳадан келиб чиқиб имтиёзли даврни айланма маблағларни тўлдириш учун 3 ойгача, асосий восита сотиб олиш учун 12 ойгача белгиланиши мумкин. Фоиз тўлови – ҳар ойда, асосий қарз тўлови – имтиёзли давр тугагандан сўнг кредит қолган муддатига тенг тақсимланган миқдорларда бўлинади. (мавсумий характерга эга лойиҳалар алоҳида кўриб чиқилиши мумкин)
Кредит таъминоти	Банкнинг Кредит сиёсати ва Кредитлаш Низомида кўрсатилган таъминот турлари.
Кредитлаш ва ҳужжатларни расмийлаштириш тартиби	Банкнинг Кредитлаш Низоми, Экологик ва ижтимоий рискларни бошқариш сиёсати ва Экологик ва ижтимоий рискларни бошқариш тизими тўғрисидаги Низом асосида амалга оширилади. Шунингдек, мазкур ҳужжатда назарда тутилган кредит ажратиш шартлар банкнинг шу кунгача амалда бўлган меъёрий ҳужжатларидан фарқ қилганда, ушбу ҳужжат устун бўлиб, унга риоя этилади.
Қўшимча шартлар	Амалдаги қонунчиликда назарда тутилган ҳолларда Давлат экологик экспертизаси ҳулосаси лойиҳа ташаббускори томонидан банкка тақдим этилиши лозим. Қуйидаги фаолият билан шуғулланувчи кичик бизнес субъектларининг лойиҳалари молиялаштирилмайди: - Мамлакат қонунлари ёки халқаро конвенсиялар ва битимлар бўйича ноқонуний деб ҳисобланган ёки xалқаро тақиқларга учраган ёки бекор қилинадиган ҳар қандай фаолият ёки маҳсулотни ишлаб чиқариш ёки сотиш учун, ва/ёки фармацевтика маҳсулотлари, пестицидлар/ гербицидлар, озон қобиғини емирувчи моддалар, полихорли бифенилларни ўз ичига олувчи ва бошқа хавфли кимёвий моддалар, ёввойи фауна ва флоранинг йўқолиб бораётган турлари билан xалқаро савдо тўғрисидаги конвенция (CITES)га асосан тартибга солинган ёввойи фауна ва флора маҳсулотлари савдоси; - Ҳарбий ускуналар ва қуролларни ишлаб чиқариш ёки сотиш; - Алкогол ичимликларини ишлаб чиқариш ҳамда сотиш (пиво ва вино бундан мустасно); - Тамаки маҳсулотларини ишлаб чиқариш ва сотиш; - Казино ва қимор ўйинлари; - Иссиқхона; - Радиоактив материаллар савдоси ва уларни ишлаб чиқариш. Тиббий ускуналар, сифат назорати (ўлчови) ускуналари ва ХМК томонидан радиация миқдори кам ёки радиацияси етарли даражада химояланган деб топилган бошқа ҳар қандай ускуналар савдоси ва ишлаб чиқариш бундан мустасно; - Асбест толаларини ишлаб чиқариш,сотиш ва лойиҳа доирасида улардан фойдаланиш. Бунда, таркибида асбест миқдори 20% кам бўлган асбест-цементли лист маҳсулотлар (шифер ва бошқалар)ни ишлатиш ёки сотиб олиш ҳолатлари бундан мустасно; - Узунлиги 2,5 км.дан узун бўлган дрифтерли тўрлардан фойдаланган ҳолда балиқ овлаш; - Мажбурий меҳнат/мажбурий болалар меҳнати* билан боғлиқ бўлган ҳар қандай ишлаб чиқариш ва фаолият турлари; - Тижорат мақсадида дараxт кесиш амалиётлари учун ёки нам тропик ўрмонларда ёки реликтли ўрмонларда, ёғоч кесиш ва/ёки уларни қайта ишлаш учун ускуналар сотиб олиш; - Дарахт ёки бошқа ўрмон зотларини етиштириш ёки савдоси устидан оқилона/самарали бошқарув механизми ўрнатилган ўрмонлар бундан мустасно. * Ушбу фаолиятга сезиларли даражада алоқаси бўлмаган хўжалик юритувчи субъектларига ва/ёки уларнинг лойиҳаларига қўлланилмайди. “сезиларли даражада алоқаси бўлмаган” деб ушбу фаолият тури хўжалик юритувчи субъектнинг асосий амалиётларига нисбатан иккиламчи бўлганда тушунилади. Мажбурий меҳнат деб эхтиёрий равишда бажарилмайдиган барча турдаги иш ёки хизматлар тушунилади, яъни жисмоний шаxслар томонидан унга нисбатан куч ёки жазо тахдиди остида бажариладиган барча ишлар ёки xизматлар тушунилади. * Зарарли болалар меҳнати деганда болаларни иқтисодий эксплуатациясини ташкил этадиган ёки болаларнинг тиълимига зарар етказиши, болаларнинг соғлиғига, жисмоний, ақлий, маънавий, ахлоқий ёки ижтимоий ривожланишига зарар етказиши мункин бўлган ишларга жалб қилиш тушунилади.

Кредит олиш учун керакли ҳужжатлар:

• кредит олиш учун ариза;

• бизнес-режа;

• молиявий ҳисоботлар (ЯТТлар бундан мустасно);

• таъминот ҳужжатлари;

банк, заруратдан келиб чиқиб, бошқа ҳужжатлар талаб қилиши мумкин.

* “Ипотека–банк” АТИБ нинг кредитлаш бўйича ички тартибига кўра, бошқа тижорат банкларидан ҳисобварағи олиб ўтилган мижозлар камида 3 ой давомида банкимизда пул айланмасига эга бўлганидан сўнг, ушбу мижозга кредит ажратилиши белгиланган (Ҳукумат қарорлари ва давлат дастурларига тушган лойиҳалар бўйича ажратиладиган кредитлар, бир қарз олувчи ёки бир-бирига дахлдор қарз олувчиларга ажратиладиган кредитлар, бошқа банкда бўлган пайтида ёмон кредит тарихига эга бўлмаган ва охирги уч ойда сўралаётган кредит ва унинг фоизларига етадиган пул тушумига эга бўлган мижозларга ажратиладиган кредитлар бундан мустасно).

Интернет-Банк хизматига онлайн ариза

Саволлар

Масофадан туриб банк хизматларидан фойдаланиш