Lizing

Lizing – bu biznesga sarmoyalar kiritishning qulay shakli. Lizing evaziga sotib olingan obyektdan bir yo'la foydalanib, obyekt sotib olingan mablag‘ni ma’lum muddatda qaytarish sharti bilan mavjud biznesni kengaytirish, modernizatsiya qilish yoki faoliyatning yangi yo‘nalishini ochish uchun zarur bo‘lgan asbob-uskuna, texnika yoki avtotransportni sotib olish mumkin.

Biz avtotransportdan boshlab ko‘chmas mulkgacha, asbob-uskunadan to maxsus texnikagacha bo‘lgan turli lizing mahsulotlarini qulay shartlar asosida taklif qilamiz. Lizing xizmatlari bankning barcha filiallari tomonidan ko‘rsatiladi.

Moliyalashtirish variantlarini tanlashda lizing bir qator afzalliklarga ega:

• Lizing obyekti lizing oluvchining balansida hisobga olinadi va shu tufayli lizing obyekti mulk solig‘ini to‘lashdan ozod qilinadi;
• Lizing obyektini tezlashtirilgan holda amortizatsiya qilishni qo‘llash imkoniyati mavjud;
• Lizing shartlari ostida O’zbekiston Respublikasiga olib kirilayotgan texnologik jihozlar davlat bojlari va QQS to‘lashdan ozod qilinadi.

Mijozlarga bo‘lgan asosiy talablar:

• Loyihani moliyalashtirishni boshlash vaqtida ro‘yxatga olinganlik, ruxsat berilganlik kabilar to‘g‘risidagi kerakli hujjatlarning mavjud bo‘lishi bilan birga lizing oluvchining ma’lum yuridik maqomi.
• Lizing oluvchilar sifatida O’zbekiston Respublikasining rezidenti maqomiga va o‘z faoliyatlaridan tijoriy daromadga ega bo‘lgan yuridik shaxslar bo‘lishlari mumkin.
• Moliyalashtirilayotgan loyihaning bashorat qilinayotgan pul oqimi va lizing oluvchida mavjud bo‘lgan pul oqimi lizing muddati davomida lizing to‘lovlarini o‘z vaqtida va to‘liq to‘lanishini ta’minlashi kerak.
• Moliyalashtirilayotgan loyihani boshqa tarkibiy komponentlar (xom-ashyo, aylanma mablag, malakali xodimlar, maxsulotni sotish bozorlari va boshq.) bilan ta’minlash bo‘yicha mexanizmlar yoki aniq rejalarning mavjudligi.




Lizing pаsporti

Lizing maqsadi	Asosiy vositalar sotib olish
Lizing maksimal summasi	Mijoz loyihasidan kelib chiqib belgilanadi
Valyuta	Milliy va xorijiy valyutada
Lizing foizi yillik	- Milliy valyutada yillik 27 foiz; - Xorijiy valyutada (xorijiy moliya instituti marjasi + kamida 6% Ipoteka bank marjasi)
Lizing muddati	36 oygacha
Lizing ajratilish shakli	Pul o‘tkazish yo‘li bilan
Lizingni qaytarish tartibi	Loyihadan kelib chiqib imtiyozli davrni 6 oygacha belgilanishi mumkin. Foiz to‘lovi – har oyda, asosiy qarz to‘lovi – to‘lov muddati kelgandan so‘ng lizing qolgan muddatiga teng taqsimlangan miqdorlarda bo‘linadi (mavsumiy xarakterga ega loyihalar alohida ko‘rib chiqilishi mumkin)
Lizing ta’minoti	Lizing ob’ekti va boshqa qonun hujjatlarida ta’qiqlanmagan garov ob’ektlari
Qo‘shimcha shartlar	25 % mijozning avans mablag‘i (boshlang‘ich badal) pul ko‘rinishida kiritilishi lozim. Platinum, gold, silver plyus, silver toifaga tushadigan mijozlar "Ipoteka-bank" ATIB Boshqaruvi hamda Aktivlar va passivlarni boshqarish qo‘mitasining 2023 yil 16 yanvardagi 9-sonli qo’shma yig‘ilish bayonining 5-bandidagi shartlar asosida amalga oshirilishi mumkin




Lizing rasmiylashtirish uchun zarur bo‘lgan hujjatlar ro‘yhati

1. Lizing buyurtmasi;

2. Lizing ob’ektining texnik–iqtisodiy ko‘rsatkichlari va uning sotuvchisi to‘g‘risidagi ma’lumotnoma;

3. Biznes–reja;

4. Oxirgi hisobot davri uchun Davlat soliq idoralariga topshirilgan moliyaviy hisobotlari;

5. Raqobatbardoshlik varaqasi;

6. Ikkilamchi hisobvaraqlar va boshqa qarzdorliklar to‘g‘risida ma’lumotnomalar;

7. Lizing oluvchining asosiy vositalari ro‘yhati;

8. O‘z tabdirkorlik faoliyatini amalga oshirishga mo‘ljallangan savdo, ishlab chiqarish joyi mavjudligi bo‘yicha hujjatlar;

9. Lizing oluvchining huquqiy maqomini tasdiqlovchi hujjatlar;

Lizing ta’minotidan kelib chiquvchi boshqa hujjatlar so‘ralishi mumkin.