«Moody's Investors Service» xalqaro reyting agentligi «Ipoteka-bank» АTIB reytinglarini tasdiqladi

«Moody's Investors Service» халқаро рейтинг агентлиги 2020 йил 24 январда «Ипотека-банк» акциядорлик тижорат ипотека банкининг миллий валютадаги узоқ муддатли депозит рейтингини «В1» даражасида, хорижий валютадаги узоқ муддатли депозит рейтингини «B2» даражасида тасдиқлади. Банкнинг барча рейтинглари «барқарор» истиқболга эга.

«Moody's Investors Service» рейтинг агентлиги таҳлилчиларининг фикрига кўра, «Ипотека-банк» АТИБ рейтинглари банкнинг молия бозоридаги чакана ва корпоратив  банк хизматлари, жумладан истеъмол ва ипотека кредитлари, пластик карталари, омонатлар, халқаро пул ўтказмалари, лизинг, кафолатлар ва инвестиция лойиҳаларини молиялаш соҳаларидаги кучли ўрнини акс эттиради.

«Moody's Investors Service» reyting agentligi ijobiy omillar sifatida bankning kapital yetarliligi koʼrsatkichlarining yaxshilanishini, bir qarzdorga nisbatan kredit kontsentratsiyasi darajasining kamayishini, kredit portfeli dollarlashuvining qisqarishini hamda likvidlilik darajasining oshishini eʼtirof etmoqda.

«Ipoteka-bank» АTIB Oʼzbekistonning toʼrtta yirik banklari qatoriga kirib, respublikaning barcha hududlarini qamrab olgan filiallari va boʼlinmalari tarmogʼi orqali keng turdagi bank xizmatlarini koʼrsatib kelmoqda.