Nashr etilgan: 6 dekabr, 2019
3 dekabr Xalqaro nogironlar kuni munosabati bilan “Har bir qalbning davosi mehr” deb nomlangan ko‘rgazmada Ipoteka-bank xodimlari ishtirok etdilar. Mehrga, e’tiborga tashna insonlar tomonidan chizilgan rasmlar, yasalgan har bir eksponat ko‘rgazma ishtirokchilarida katta tassurot qoldirdi.
Kezi kelganda aytish kerakki, inson qalbiga yo‘l mehr-muhabbat va sahovatdan boshlanadi. Imkoniyati cheklangan bo‘lishiga qaramay, ichki kechirmalarini ranglar orqali go‘zal tarzda ifoda etib chizilgan rasmlarni, butun qalb qo‘rini, yuragini berib yasalgan ishlarini tomosha qilar ekanmiz, "Go‘zallik dunyoni qutqaradi" degan so‘zlar yodimizga tushdi.
