Ko‘chmas mulklar qurilishini loyihaviy moliyalashtirish

Arizachi / loyiha tashabbuskori haqida:

• Yuridik shaxs bo‘lishi kerak;
• Qurilish faoliyatini amalga oshirish uchun talab qilinadigan minimal reytingga ega bo‘lishi kerak;
• Loyiha tashabbuskori yoki uning ta’sischilari kamida 10 000 kv. m foydali maydonga ega ko‘chmas mulk qurilishi bo‘yicha kamida bitta yakunlangan loyihaga ega bo‘lishi kerak. Bunda quyidagi hujjatlar taqdim etiladi:
  • qurilish tarixi bo‘yicha ma’lumotnoma;
  • qurilish shartnomasi;
  • foydalanishga topshirish dalolatnomasi.
• Loyiha tashabbuskori va/yoki uning affillangan kompaniyalari (SPV) qurilish bo‘yicha barcha zarur ruxsatnomalarga ega bo‘lishi kerak;
• 2022-yil 20-apreldagi 200-sonli Qarorda nazarda tutilgan hujjatlar taqdim etilishi kerak;
• Iste’molchilar oldidagi barcha majburiyatlar bajarilgan bo‘lishi kerak;
• Iste’molchilar bilan sud jarayonlarida bo‘lmasligi kerak;
• Loyiha tashabbuskori yoki uning ta’sischilari kamida 2 yil bevosita qurilish tajribasiga ega bo‘lishi kerak;
• Oxirgi moliyaviy yil yakuniga ko‘ra zarar bo‘lmasligi kerak;
• Oxirgi yillik moliyaviy hisobotda salbiy o‘z kapitali bo‘lmasligi kerak;
• AKIB “Ipoteka-bank” va boshqa banklar oldidagi moliyaviy majburiyatlar o‘z vaqtida bajarilishi kerak;

Loyiha haqida:

• Turar-joy majmuasi Qurilish va uy-joy kommunal xo‘jaligi vazirligi platformasida ro‘yxatdan o‘tgan bo‘lishi kerak;
• SPV (maxsus loyiha kompaniyasi) holatida;
• Yer uchastkasi belgilangan tartibda loyiha tashabbuskori nomiga rasmiylashtirilgan bo‘lishi kerak;

Ta’minot bo‘yicha:

• Qaytarishni ta’minlash:
  • ko‘char va ko‘chmas mulk garovi;
  • uchinchi shaxs kafolati;
  • tashabbuskor yoki uchinchi shaxsning bankdagi depoziti garovi;
  • bank tomonidan moliyalashtirilayotgan obyektlar va yer uchastkalarini garovga qo‘yish;
  • qonunchilikka zid bo‘lmagan va bank ichki qoidalarida nazarda tutilgan boshqa ta’minot turlari.
• Qo‘shimcha ta’minot:
  • tashabbuskor ta’sischilarining kafolati;
  • kelajakdagi kvartira va mavjud bo‘lsa noturar joy sotuvlaridan tushumlarni garovga qo‘yish;
  • SPV ustav kapitalidagi ulushlarni garovga qo‘yish.

Qaytarish bo‘yicha:

• Imtiyozli davr davomida hisoblangan foizlar imtiyozli davr tugaganidan keyingi oydan boshlab to‘lanadi;
• Asosiy qarz imtiyozli davr tugagandan so‘ng teng oylik to‘lovlar bilan qaytariladi;